Haurtxo txikia negarrez dago
ama emaiozu titia
aita gaiztoa tabernan dago
pikaro jokalaria
Aita jokuan, ama lanean
hauxe bai negargarria !
Eskerrak zuri, lore polita
alaitzen duzu etxea.
La la la...
Ardoa edan, txanponak galdu,
horrelaxe dabil aitatxo.
Jainko maitea, gutaz erruki,
erruki ezazu amatxo.
Inoiz aitatxo txintxotzen bada,
Oi ! zeinen esker haundia !
Orduantxe nik bai ekarriko
Zapata berri txuriak.
La la la...
Begiak zabalik ametsetan
ari naiz oso poliki,
aitak eltzean zure papattak
txitxi ordez sartu dizkit.
Joku gaizto, txar, zikin, ziztrina.
Nondikan haugu sortua ?
Nire maitetxo kutun polita
hik duk alferrik galdua.
La la la...
Ama gaixoa hainbeste lanez
osoro zaigu hondatu ;
halere aitatxok errukirik
ez dio betere hartu.
Negar ta negar beti nahigabez
inontxo ere pozik ez ;
ama zerura joan zenetik
inortxok matasunik ez.
La la la...