Ozaze Jaurgainian bi zitroin doratu,
Atarratzeko Jaunak bata du galdatu;
Uken du arrapostu ez direla huntu,
hunturik direnean, batto ukenen du.

Portaliala joan zite, ahizpa maitea,
ingoiti horra duzu Atarratzeko Jauna,
otoi, erran izozu ni eri nizala,
zazpi egun hoietan ohean nizala.

Klara, zoaza orai salako leihora,
iparra ala hegoa denez jakitera,
iparra balinbada, goraintzi Salari,
ene korputzaren xerka, jin dadila sarri.

Ama, joanen gira oro elkarreki,
etxerat jinen zira xangri handireki
bihotza kargaturik, begiak bustirik,
eta zure alaba tunban ehortzirik.

Ama, saldu nauzu biga bat bezala,
bai eta desterratu, oi Espainiala.
Aita bizi uken banu, ama zu bezala
eninduzun ezkunturen Atarratzeko Salala.