Baionatik Bilbora, itsaso errea,
Putzu honek ez du itoko gure hasarrea.
Baionatik Bilbora, itsaso petrala,
Aspaldi esan zidaten besterik etzala.
Baionatik Bilbora itsaso pobrea,
Non du aurkitu behar Euskadik hobea.
Baionatik Bilbora, itsaso aingura,
Nadila zure albora oraindik ingura.
Baionatik Bilbora, itsaso zakarra,
Baldin baneki nora kamino bakarra.
Baionatik Bilbora, itsaso euskara,
Humorea badaukagu ta galduak ez gara.
Baionatik Bilbora, itsaso nafarra,
Datorkigula behera amets honen afarra.
Baionatik Bilbora, hartzen du ekaitzak,
Arrokak ongi dakizki txaluparen gaitzak.
Baionatik Bilbora itsaso gorria,
Baionatik Bilbora gure memoria.
Bilbotik Baionara, aluba itsasoa,
Igeri ez dakiena ondoraino doa.