Berriro itzuliko balitz iragan denbor’ arrotza,
berdin kontsumi nezake bainilla gozo artean.
Itsaso urrun batetan, irudimena galdurik,
udaberriko euritan larrosak pizten ikusiz.
_ 
Osaba komertzianterik ez nuen izan Habanan,
pianorik ez zegoen bizi nintzen etxe hartan,
neskatxen puntilla finak udako arratsaldetan,
errosario santua neguko gela hotzetan.
_ 
Ezpainek gordetzen dute ezpain bustien gustua,
desiozko hotzikaran, etsipenaren tamalez.
Gauak zelatan dakusa konzientzia bilutsik,
badoaz ordu geldiak gogorapenen hegalez.
_ 
Jaio ginen, bizi geera, ez dugu ezer eskatzen,
itsas-ontzia astiiro, kaiatik ari da urruntzen
Antillak zintzilik daude argazkien paretetan,
karta bat idatziko dut, norbaitek erantzun dezan.
_ 
Tabako, rom ta kanelaz sukartutako ametsetan,
algarak entzuten ziren Habanako putetxetan.
Habanikodun mulata gauari haize egiten,
musiken aide nagiek odola erretzen zuten
_ 
Jaio ginen, bizi geera, ez dugu ezer eskatzen,
itsas-ontzia astiiro, kaiatik ari da urruntzen
Antillak zintzilik daude argazkien paretetan,
karta bat idatziko dut, norbaitek erantzun dezan.