Urrun zagok gaztaroa,
borrokako odol beroa !
Ez duk gaurko amaiera :
bizirik duk hogoi urte-sukarra !
Edanen dia’u trago bana,
aspaldiko mutil ona !
Atxeman dia’u berritz elkar :
atxik atxik ! laguna lepotik har !
Orroit hadi uda hartaz,
lehen aldiko guen mozkorraz ;
ninderaman, hik, etxerat :
hiru urrats aintzinat, bi gibelat...
Ibili nauk herriz herri,
jasta nahiz arno berri ;
arrotza han, arrotza hor,
nindagoken : norbeit haiz ala nihor ?
‘z tuk jakindu ner’ ezkontza !
Errotu zian auzapeza,
mintzo-dudak arrunt jana,
ezin erran baitzian nere izena !
’z ’tiat idatzi aspaldian,
barkatuko duk agian !
Hiru haur ’tuk, hik, hazteko ;
nik bai’tiat bortz hire kontsolatzeko !
Dugun ospa, bozkarioa,
lagun-artea, amodioa !...