Iruten ari nuzu kilua gerrian
Ardura dudalarik (2) nigarra begian
Ardura dudalarik nigarra begian.

Nigar egiten duzu oi suspirarekin
Kontsolaturen zira (2) oi denborarekin !
Kontsolatuuren zira oi denborarekin

Ezkont-mina dudala zuk omen diozu ;
Ez dut amore minik (2) gezurra diozu.
Ez dut amore minik gezurra diozu.

Ezkont-mina dutenak seinale dirade
Matel hezurrak seko (2) koloreak berde.
Matel hezurrak seko koloreak berde.

Ezkontzen balin bazira mariñelarekin
Xardina janen duzu (2) bakallauarekin.
Xardina janen duzu bakallauarekin.

Ezkontzen balinbazira mandazainarekin
Airaina janen duzu (2) olioarekin.
Airaina janen duzu olioarekin.

Anaia nahi duzuia emazteik erosi ?
Baratze kantoinetan (2) sosian hemezortzi.
Baratze kantoinetan (2) sosian hemezortzi.

Arreba nahi duzuia gizonik erosi ?
Eliza bazterretan (2) bi sosetan zortzi.
Eliza bazterretan bi sosetan zortzi.