Haltzak eztü bihotzik
ez gaztanberak hezürrik :
enian uste erraiten ziela
aitunen semek gezürrik.

Bereterretxek oheti
neskatuari eztiki ;
"Abil eta so egin zan
gizonik denez ageri".

Neskatuak berhala,
ikhusi zian bezala :
hirur dozena bazabiltzala
bortha batetik bestera.

Jaun kuntiak berhala,
traidore batek bezala :
"Beretxerretx, aigü borthala :
Utzüliren hiz berhala".

"Ama, indazüt athorra,
mentüraz sekülakua !
Bizi denak orhit ükhenen dü
Bazko-gaiherdi-ondua".

Marisantzen lasterra
jaun kuntiaren borthala !
"Ai !, ei !, eta, jauna,
nun düzüe ene seme galanta ?".

"Hik bahiena semerik
Bereterretxez besterik ?
Ezpeldoi altian dün hilik ;
abil, eraikan bizirik" .

Ezpeldoiko alhaba,
Margarita deitzen dena ;
Bereterretxen odoletik
ahürkaz biltzen ari da.

Ezpeldoiko bukhata,
ala bukhata ederra !
Bereterretxen athorretarik
hirur dozena ümen da.